علـى كذبـات إشراقـك كسـرت بهـا الرئـة قنـديـل
وضاقت بي حـدود فضـاك واستعصـى علـي فجـرك

انا كم صـرت بـك واهـم وشكّـي بـك غـدا إزميـل
وانتـه كـم حبسـت منـاي فـي غيهـب عتـم عُـذرك

وتـدري إحتبـاس النـور يـهـدّ الاقنـعـة ويـزيـل
إذا طـالـت دياجـيـرك علـيـه وينكـشـف سِــرك

ولويحجـب خيـوط الفجـر وهـمٍ يقـبـل التـأويـ

جنـاح الليـل مايسـتـر جــروحٍ شقّـهـا غــدرك

ولوتتوسل الـقـدرة وتبـحـث للـغـدر تحـلـيـل
تـرى ماتفيـدك الاعذار ولاينـفـع صــدى سِـحـرك

تعيـث فسـاد فـي صـدر الكتـاب بصفحـة الانجيـل
وتسـرق مـن نظـر عينـي ولاتوفـي معـه نــذرك

اسيـرك موعـده منـسـي تـعـوّد يسـمـع التعلـيـل
وصـار المرتجـى عنـده محـاق هـلال فـي شهـرك

ولمّـا طالـت الـمُـدّة وصــارت كذبـتـك إبـريـل
طلاسـم زيـف الوانـك تـعـرّت واْنـهـدم جـسـرك

هنـا ثـارت جراحـاتـي تعرّي آخــر التمثـيـل
وتمحـي واقعـك فكـرة وماضمّنـت فــي سـطـرك

لأ نـي والوعـد وافـي ومـا حِـلـم السنـيـن يشـيـل
سحبـت بساطـك الاسـود وزيـفٍ خــطـهُ حِبـرك

ترانـي قد قطعـت العهـد أذلـل صعبـهـا تذلـيـل
اشـيل الشمس فـي كـفّي وانـهـي بالضيـاء سِتـرك

بآخـر صفحـة الآمـال سقـط مـن حرفـك التفصيـل
تهـاوى سقفـك الخـاوي علـى هـشٍ حمـل فـكـرك

يبس في خافقـي غصنـك ولـو كـان الشعـور نخيـل
وذابـت آخـر اشعـاري علـى عتمـة رمـد جـمـرك

الشاعر / علي العايل الكثيري

Related Posts via Categories