من(اغانى الغربه) حاتم حوّاس

1
انا عاشقك
وكاتبك نورعلى جبينى
ومن إسمك
بافصّل. مذهبى ودينى
وحجيتلك
وكنتى قبلتى الأولى
وصليتلك
وغنيتلك
ولما دُبت ف ترابك
كمل لي سِفر تكوينى !

2

………………..
حبك علّم على جسمي
ووضّانى
وطهّرنى
وصحّانى
ف وقت الفجر اغنيلك !

..3.

ومين علّمنى كلمة حب
وغرسها ف وجدانى ؟!
أبسمل ؛تسكنى قلبي !
واسكّن فيكى جوايا
وارتل قصتك آيه
ولمّا انزف ألاقيكى
بدورساكنه شرايينى!

4

ترابك مسيح حى
عدى من عليه بسمل
ميتك جسد موسي
شرب منها رجع لحضن امه
وأرضك لما كانت سجن
لبّى الندا يوسف
. انا هاحسب حساب الضىّ
وماشى معاه
جايلك وانتى ضمينى.

5

شارب محيط
من عشقك المبدور على إسمى
ومن نورك راسم خطوط كفّى
وبارمى ف أرضك الخطوة
مسافة عشق
تلمينى بعنيك اسكر
بريحة أرضك الشرقانة لحنينى

5

ملفوفه على روحي حبال نورك
و جسمى شريان موصلُه بنيلك
ورامى جتتىي ع الأرض
وجايب للسما بعد اذن الله من أرضك
ميزان عدل ،وشجرة فل ،هازرعها
ف الجنه على سريري
وهاطلب من ربنا بعدله
يدفنّى ف نورك
يكون لي جنتى ونوري

حاتم حوّاس

 

Related Posts via Categories