عجيبه هـذى الدنيـا اذا دارت بـلا  عنـوان

نسجت أبها قوافى صادقه مـن عـذب أبياتـى

وإذا ماصكّت الحلقه بلا رحمه علـى  لبطـان

قفت بْوجه هالدنيا عزيـزه شامخـه  بذاتـي

صحيح اللي يقول العمر فيه من التعب  ألـوان

وأنا رغم المساحه المتعبـه مديـت خطواتـي

أسير بفكرحاير والخفوق مـن الشقـا  تعبـان

وصدر ٍ يورد أشكال العنـا مـن زود أهاتـى

أشوف الواقع أيغيّـر مسيرتنـا مـع  الخـلان

ولا أدري وين تاخذني بهـا لدنيـا  مسافاتـي

تعبت بهاجسي ليلي إلين الصبـح نـوره بـان

رسمت الصبح لوحه للوصـال بطيـب نيّاتـي

على الدرب السوي أمشي بلا زيف ٍ ولا نقصان

وماضي الهم بمسح صورته من كـل  أوقاتـي

Related Posts via Categories